به‌رێ بنیاتى بۆ پرۆژێ به‌شێن ناڤخویى ل زانكویا دهۆكێ هاته‌ دانان

ل 29/3/2010ێ و به‌رهه‌ڤبوونا (ته‌مه‌ر ره‌مزان) پارێزگارێ دهۆكێ و سه‌رۆكێ زانكویا دهۆكێ و ئه‌ندازیار ئیبراهیم ئه‌حمه‌د ئه‌مین رێڤه‌به‌رێ گشتى یێ رێك وپرا وئاڤه‌دانكرن ونیشته‌جێ كرنێ ل پارێزگه‌ها دهۆكێ و ژماره‌كا رێڤه‌به‌رێن دام و ده‌زگه‌هێن حكومه‌تا هه‌رێما كوردستانێ ل پارێزگه‌ها دهۆكێ به‌رێ بنیاتى بۆ پرۆژێ به‌شێن ناڤخویى بۆ قوتابیێن زانكویا دهۆكێ هاته‌ دانان .
پرۆژێ چێكرنا به‌شێن ناڤخویى یێ زانكویا دهۆكێ ژ لایێ كومپانیا تێك ئیماش یا توركى لبن سه‌رپه‌رشتیا رێڤه‌به‌ریا ئاڤه‌دان كرن ونیشته‌جێ كرنێ یا بسه‌ر رێڤه‌به‌ریا گشتى یا رێك وپرا وئاڤه‌دانكرن ونیشته‌جێ كرنێ ڤه‌ ل پارێزگه‌ها دهۆكێ و ئه‌ڤ پرۆژه‌ پێك هاتیه‌ ژ (2) دوو ئاڤاهیا وهه‌ر ئاڤاهیه‌ك تێرا 440 قوتابیان دكه‌ت وهه‌ر ئاڤاهیه‌ك پێك هاتیه‌ ژ (6) شه‌ش قاتان دگه‌ل بنداڤێ ب روبه‌رێ 1650 م2 بۆ هه‌ر قاته‌كێ و بنداڤ هاتیه‌ چێكرن بۆ خزمه‌تا ( ئامیرێت گه‌رم و ساركرنێ (تكییف) ماتورێت ئاڤێ و خزمه‌تا شیشتن و ئوتیكرنا جل و به‌رگا وهه‌ر ئاڤاهیه‌ك (2) ئاسانسێر (مصعد) هه‌یه‌ تێرا (8) كه‌سان دكه‌ت دگه‌ل (2) دوو موه‌لیدێن كه‌هره‌بێ قه‌باره‌ (1) مێگا وات بۆ هه‌ر ئاڤاهیه‌كى هه‌روه‌سا پرۆژه‌ پێك هاتیه‌ ژ سیسته‌مه‌كى بۆ پاقژكرنا ئاڤا مه‌جاریا كو ئه‌ڤ ئاڤه‌ بو ئاڤدانا باغچێن زانكویێ دێ هێته‌ بكارئینان دگه‌ل كولانا بیره‌كا ئیرتیوازى دگه‌ل دانانا كه‌ل و په‌لێت پێدڤى (أپاپ) دگه‌ل كومپیوته‌را و دابینكرنا كه‌ل و په‌لا بۆ هۆلا بێهنڤه‌دانێ و هۆلا خاندنێ دگه‌ل دانانا سیسته‌مێ ئه‌نترنێتێ و تێله‌فونێت ناڤخویى دگه‌ل چێكرنا باخچا و گوره‌پانا ب كوژمێ 10.214.277 دۆلار سه‌ر بودجا حكومه‌تا هه‌رێما كوردستانێ تێته‌ بجه ئینان .

میژو :2010-03-29

چاپ