رێڤه‌به‌رێ گشتى یێ رێك و پرا و ئاڤه‌دانكرن و نیشته‌جێ كرنێ ل پارێزگه‌ها دهۆكێ سه‌ره‌دانا چه‌ند پرۆژان دده‌ت ل قه‌زا شێخان

ل 22/6/2010ێ ئه‌ندازیار ئیبراهیم ئه‌حمه‌د ئه‌مین رێڤه‌به‌رێ گشتى یێ رێك و پرا و ئاڤه‌دانكرن و نیشته‌جێ كرنێ ل پارێزگه‌ها دهۆكێ بهه‌ڤالینیا شانده‌كێ ئه‌ندازیاران ژ رێڤه‌به‌ریا گشتى یا رێك وپرا و ئاڤه‌دانكرن ونیشته‌جێ كرنێ ل پارێزگه‌ها دهۆكێ دگه‌لدا رێڤه‌به‌رێ رێك و پرا ل پارێزگه‌ها دهۆكێ سه‌را چه‌ندین پرۆژان دا ل قه‌زا شێخان ، ل به‌راهیێ سه‌را پرۆژێ چێكرنا رێكا باعه‌درێ – شكفتیان – گه‌لیێ خدێدا بدرێژاهیا 9كم رێژا ئه‌نجامدانا پرۆژه‌ى 96% بكوژمێ (5) ملیار و(559) ملیون دینار سه‌ر بودجا حكومه‌تا هه‌رێما كوردستانێ وتێته‌ بجهئینان بشێوه‌یه‌كى راسته‌وخۆ ژ لایێ رێڤه‌به‌ریا رێك وپرا دهۆك و دێ ئه‌ڤ پرۆژه‌ رێكێ كورت كه‌ت ناڤبه‌را باژێرێ عێن سفنێ و قه‌سرۆكێ و مرێبا ئه‌وێن به‌ره‌ڤ سه‌نته‌رێ باژێرێ دهۆكێ دئێن و رێڤه‌به‌ریا رێك و پرا دهۆك ل قه‌زا شێخان پرا خنس چێكریه‌ ل سه‌ر رویبارێ خنس ب كوژمێ (1) ملیار و (907) ملیۆن دینار وئه‌ڤ پره‌ یا گه‌هشتیه‌ قوناغێن دوماهیكێ ، شاندێ رێڤه‌به‌ریا گشتى سه‌را پرۆژێ چێكرنا سایدێ دووێ یێ رێكا سه‌ره‌كى دهۆك – هه‌ولێر پارچه‌یا دوریانا باعه‌درێ شیڤ شرین – مهه‌ت بدرێژاهیا 14 كم رێژه‌یا ئه‌نجامدانێ 30% ب كوژمێ (10) ملیار و (977) ملیۆن دینار و پرۆژێ فره‌هكرنا سایدێ كه‌ڤن یێ رێكا دوریانا باعه‌درێ – شیڤ شرین بدرێژاهیا 7.2كم ، رێژه‌یا ئه‌نجامدانێ 5% ب كوژمێ (2) ملیار و (047) ملیۆن دینار و رێڤه‌به‌رێ گشتى یێ رێك وپرا وئاڤه‌دانكرن ونیشته‌جێ كرنێ ل پارێزگه‌ها دهۆكێ راگه‌هاند كو سه‌ر بودجا حكومه‌تا هه‌رێما كوردستانێ كوژمێ (27) ملیار دیناران پرۆژه‌ دوارێ رێك و پران دا ل قه‌زا شێخان یێن تێنه‌ بجه ئینان بۆ خزمه‌تا وه‌لاتیێن هه‌رێما كوردستانێ وب هه‌ماهه‌نگى ناڤبه‌را وه‌زاره‌تا ئاڤه‌دانكرن ونیشته‌جێ كرنێ و كارگێریا پارێزگه‌ها دهۆكێ و رێڤه‌به‌ریا گشتى یا رێك و پرا و ئاڤه‌دانكرن و نیشته‌جێ كرنێ ل پارێزگه‌ها دهۆكێ ....

میژو :2010-06-24

چاپ