رێڤه‌به‌رێ گشتى یێ رێك و پرا و ئاڤه‌دانكرن ونیشته‌جێ كرنێ ل پارێزگه‌ها دهۆكێ گوت ل ڤان نێزیكان دێ ده‌ست ب چه‌ند پرۆژان هێته‌ كرن

ئه‌ندازیار ئیبراهیم ئه‌حمه‌د ئه‌مین رێڤه‌به‌رێ گشتێ یێ رێك و پرا و ئاڤه‌دانكرن ونیشته‌جێ كرنێ ل پارێزگه‌ها دهۆكێ راگه‌هاند كو سه‌ر بودجا سالا 2010ێ رازیبوون هاتیه‌ كرن ژ لایێ حكومه‌تا هه‌رێما كوردستانێ ڤه‌ بۆ ئه‌نجامدانا چه‌ند پرۆژا وه‌كى :
پرۆژێ قیركرنا رێكا باگێرا – مانگێش بدرێژاهیا 12كم وبكوژمێ (1) ملیار و (042) ملیۆن دینار و رێڤه‌به‌رێ گشتى دا دیار كرن لدویف پلانا رێڤه‌به‌ریا گشتى یا رێك و پرا و ئاڤه‌دان كرن و نیشته‌جێ كرنێ ل پارێزگه‌ها دهۆكێ ول سه‌ر بودجا سالا 2010ێ رازیبوون ژ لایێ حكومه‌تا هه‌رێما كوردستانێ هاتیه‌ كرن بۆ پرۆژێ سه‌خبێركرن و قیركرنا رێكا روڤیا – كه‌له‌كچى بدرێژاهیا 19كم وبكوژمێ (1) ملیار و (453) ملیۆن دینار ، ئه‌ندازیار ئیبراهیم ئاماژه‌كر كو سه‌ر بودجا سالا 2010ێ رازه‌مه‌ندى هاتیه‌ كرن ژ لایێ حكومه‌تا هه‌رێما كوردستانێ بۆ چێكرنا مساره‌كێ نوى بۆ رێكا دهۆك – باعه‌درێ پارچه‌یا دوریانا بریفكا – چه‌مان – ئه‌ڤریك بدرێژاهیا 9كم كو پارچه‌یه‌كه‌ ژ رێكا سه‌ره‌كى دهۆك – هه‌ولێر و ل ڤان نێزیكان دێ ده‌ست ب ڤان پرۆژان هێته‌ كرن و ئه‌نجامدانا وان پرۆژان كارتێكرنا خۆ دێ ل سه‌ر ژیانا هاولاتیا هه‌بیت ....

میژو :2010-06-24

چاپ