رێڤه‌به‌رێ گشتى یێ رێك و پرا و ئاڤه‌دانكرن ونیشته‌جێ كرنێ ل پارێزگه‌ها دهۆكێ گوت ل ڤان نێزیكان دێ ده‌ست ب چه‌ند پرۆژان هێته‌ كرن دوارێ رێكاندا

ئه‌ندازیار ئیبراهیم ئه‌حمه‌د ئه‌مین رێڤه‌به‌رێ گشتێ یێ رێك و پرا و ئاڤه‌دانكرن ونیشته‌جێ كرنێ ل پارێزگه‌ها دهۆكێ راگه‌هاند كو سه‌ر بودجا سالا 2010ێ رازیبوون هاتیه‌ كرن ژ لایێ حكومه‌تا هه‌رێما كوردستانێ ڤه‌ بۆ ئه‌نجامدانا چه‌ند پرۆژا وه‌كى :
پرۆژێ سه‌خبێركرنا رێكا زاخۆ – كانى ماسێ – دێریشكێ بدرێژاهیا 81كم وبكوژمێ (2) ملیار و (374) ملیۆن دینار و رێڤه‌به‌رێ گشتى دا دیار كرن لدویف پلانا رێڤه‌به‌ریا گشتى یا رێك و پرا و ئاڤه‌دان كرن و نیشته‌جێ كرنێ ل پارێزگه‌ها دهۆكێ ول سه‌ر بودجا سالا 2010ێ رازیبوون ژ لایێ حكومه‌تا هه‌رێما كوردستانێ هاتیه‌ كرن بۆ پرۆژێ سه‌خبێركرنا رێكا مانگێش – به‌ندا - شرتێ بدرێژاهیا 17.4كم وبكوژمێ (1) ملیار و (860) ملیۆن دینار و رێڤه‌به‌رێ گشتى رێك وپرا وئاڤه‌دانكرن ونیشته‌جێ كرنێ ل پارێزگه‌ها دهۆكێ دا دیار كرن كو لدویف نه‌خشه‌ وپلانا رێڤه‌به‌ریا گشتى و ب هه‌ماهه‌نگى دگه‌ل وه‌زاره‌تا ئاڤه‌دانكرن و نیشته‌جێ كرنێ و كارگێریا پاریزگه‌ها دهۆكێ پرۆژه‌ یێت تێنه‌ ئه‌نجامدان بۆ خزمه‌تكرنا هاولاتیێن پارێزگه‌ها دهۆكێ ، ئه‌ندازیار ئیبراهیم ئاماژه‌كره‌ وێ ئێكێ كو ل ڤان نێزیكان دێ ده‌ست ب ڤان پرۆژان هێته‌ كرن و ئه‌نجامدانا ڤان پرۆژان كارتێكرنا خۆ دێ ل سه‌ر ژیانا هاولاتیێن ده‌ڤه‌رێ دكه‌ت ....

میژو :2010-07-04

چاپ